Page 378 - Алаатыыр Ала Туйгун. 2-с үйэтэ

Кудулу Моҕой бухатыыр
Олорбут сириттэн
Уолуйан-соһуйан,
Уордайан-кыыһыран,
Оронон таҕыста,
Ордостон турда.
15680 Аартыгы бүөлүүр
Абааһы бөҕө аарымата,
Агдайан тахсан,
Күнү күлүктүүр
Көстүбэт бөҕө күтүрдээҕэ
Көппөс гына түстэ,
Айаҕын аппа
Хайдыбытын курдук
Аҥаччы агга,
Алдьаммыт сүүр
15690 Сэриитин курдук
Адаа-быдаа тииһэ ардьайда,
Олунньу ый
У он эргэтинээҕи
Ойбон хайыҥын курдук
Оллороот-боллороот уоһа
Үөһээ-аллараа
Сөллөрүйэн таҕыста,
Сымыһаҕын
Сыма оҥкучаҕын курдук сыллаҥнатта,
15700 Сыыр быстыбытын курдук
Сылластыгас сирэйдээх,
Хайа хайдыбытын курдук
Хаспахтаах халтаһалаах,
Көмүк суулбутун курдук
Көйүүлээх көмүскэллээх,
Сүүһүн хаба ортотуттан
Сүүрдэммэтэх чардаат курдук
Түҥнэри көрбүт
Түҥнэстигэс хараҕа
15710 Түҥ-таҥ эргийтэлиир.
Үөлэн сиэн ааспыт түөкүттэр
Үөл тиит үтэһэлэрин
Өрүтэ туппут курдук
Үөргү-сүөргү кылаана
Өргөстөһө сойуодуйда.
Ханна эмэ

- 370 -