Page 370 - Алаатыыр Ала Туйгун. 2-с үйэтэ

15330 Бөдөҥ-садаҥ мөссүөннээх,
Дуолан бухатыыр киһи
Туоллан турарын көрөн баран,
Толло быһыытыйда.
Чугурус гынна,
Салла санаата,
Таныытын тартаҥнатта,
Күөмэйэ көппөҥнөөтө,
Айаҕын сарыы матаҕа
Аанын курдук
15340 Сатаарыччы атта.
Таайа быһыытыйан,
Сабаҕалыы санаан,
Саҥа аллайан
Сатаарыта түстэ:
— Алаатыгар,
Алаатыгар, оҕолоор!
Атаҕын икки ардынан
Аҕыстыы дьылхан тиит
Устатын саҕаны
15350 Аралдьыта үктээн,
Атаралаан сиэлэн барар
Аллаах айаннаах,
Ахсым сырыылаах,
Араҕас сиэр аттаах,
Алаатыыр Ала Туйгун
Обургу дьаалы
Кэлбит эбиккин дуу?
Эн диэтэх киһи
Албан аатыҥ
15360 Аллараа дайдыга
Атыыр оҕус буолан,
Айаатаан аатырдын,
Үтүө сураҕыҥ
Үөһээ дойдуга
Өксөкү кыыл буолан үөгүлээтиҥ.
Бу орто ийэ,
Аан дойдуга
Ссҕотсҕунан чуораадыйан сураҕардыҥ.
Ол иһин
15370 Тутуохха тутулуктаах
Дуолан бухатыыры
Булан тоһуйдум,
362
-