Page 369 - Алаатыыр Ала Туйгун. 2-с үйэтэ

Тоҥсуйан дьабырытта.
Онуоха буоллаҕына
Чукдаарыкы Тойон
15290 Оронутган-тэллэҕиттэн
Уолуйан-соһуйан,
Уһукта биэрдэ,
Тарбаҕьгаан тайанна,
Тилэҕинэн чиэстэннэ,
Тоҥолоҕунан дугунна,
Уллуҥаҕынан үктэннэ,
Ойон турда.
Кыыһыран кынчаатгаата,
Уордайан ордоотоото:
15300 — Туох дойду дьулаҕайын
Туура тэбинэн
Туран тиийэн кэлбит
Чочулҕан мэнигэ
Дохсурҕаан туран,
Тойон баадай сэргэбин
Тоҥсуйдаҕа баҕас
Тугун омунай?!
Тараччы тутан
Таһыйан биэриэм буоллаҕа, — диэт,
15310 Тоҕус салаалаах
Чупчурҕаннаах илбистээх
Соллоҥ хара кымньыытын
Сулбу тардан ылла.
Аҕыс аҕамсыйбыт киһи
Арычча аһан киирэр
Аарыма халҕанын
А11а баттаан,
Аарыгыран таҕыста.
Алаатыыр Ала Туйгун диэки
15320 Алах-дьалах көрдө.
Туох да өртүттэн
Торҕо биилээх
Тоҕо охсуо суох курдук,
Толору томороон ньуурдаах
Хайа да өртүттэн
Хатан биилээх
Хайа охсуо суох курдук
Халыҥ-киппэ киэптээх,
Нүһэр-бараан дьүһүннээх,
- 361 -