Page 376 - Алаатыыр Ала Туйгун. 2-с үйэтэ

Саах күрдьүк курдук
Таҥнары сириэдийэн,
15590 Саба ахчайан,
Сабардаан олорон,
Таҥалайын тыаһа
Таҥнары чамыргыыр,
Тииһин тыаһа
Тиниктээн хачыргыыр,
Күөмэйин тыаһа
Күллүгүрүү көбүөхтүүр,
Ол таһыгар
Хаардаах харыйа саҕа
15600 Хара бэкир абааһы уолаттара
Бэрис-күлүс, хапчыс,
Ырас-көдөс
Суодас гыналлар.
Киэҥ Тумарыкы Эбэ хотун
Киһитин-сүөһүтүн
Илбистээх соллоҥ хара кымньыыларынан
Ибили таһыйан,
Үүрэн-түрүйэн аҕалан
Үлтү сынньан,
15610 Өлөрөн-өһөрөн
Үрүтүн үөһэ кыстаан,
Үллэҥнэтэн эрэллэр эбит.
Суостаах тойонноро
Кудулу Моҕой обургу
Өрүһүспүт курдук
Хардары-таары хаалаан,
Уһаты-туора уган,
Аһаан-сиэн амырыйан эрэр эбит.
Алаатыыр Ала Туйгун
15620 Сиикэй эт аһылыктаах,
Симэһин хаан утахтаах,
Сириэһин уот тыыннаах,
Сэттэ үөстээх
Тимир бурут
Куо-дьэллик
Кулан иирикий кымньыытынан
Абааһы уолатгарын
Абаран-сатаран туран,
Таһьшан урбаһыннарда.
15630 Үөһээ дьабыннаах
- 368 -