Page 372 - Алаатыыр Ала Туйгун. 2-с үйэтэ

Көрдөрүүгэ туруоран
Көр оҥостуом этэ.
Оттон эн кыайтардаххына,
Хаҥкыйар хаалдьыккынан,
15420 Нуоҕайар өҥүргэс хабаррҕынан
Баскын быһа
Оҕустаран ыламмын,
Улуутуйар Улуу Тойон оҕонньорго
Бэйэм ааппыттан
Бэлэх ыытыам этэ.
Бөдөҥ мүһэлэргиттэн
Уллуктаах сотоҕун
Оһол-төрүөт олохтоох,
Уомар-соллоҥ иҥсэлээх,
15430 Оботгоох-чупчурҕаннаах
Отут удурҕаччы хара удьуордарын
Торолуйар тойонноро буолбут
Ускунньахтаах Уот Кутаалыҥса тойоҥҥо
Бэйэм ааппыттан
Бэлэх ыытыах этим.
Онтон
Көҥдөй сүллүүлээх сүрэххин,
Хайгыалаах хара быаргын
Аллараа дайды
15440 Аҕа баһылыга буолбут
Арсан Дуолай оҕонньорго
Бэйэм ааппыттан
Бэлэх ыытыам этэ.
Оччоҕо буоллаҕына
Бу үс дойду
Үрдүк баһылыктарын кытта билсэммин,
Үтүө аатым
Үөһээ-аллараа дайдыларга
Өксөкү кыыл курдук үөгүлүөҕэ.
15450 Орто аан ийэ дайдыга
Улуу дойду оҕуһа буолан
Лөҥкүнэччи мөҕүрүөм.
Аан дайды атыыра буолан,
Лаҥкыначчы кистиэм этэ.
Соҕотоҕунан чуораадыйан сураҕырыам,
Аҥаардаһынан айдаарыйан аатырыам, — диэтэ.
Онуоха буоллаҕына
Алаатыыр Ала Туйгун

364 -