Page 377 - Алаатыыр Ала Туйгун. 2-с үйэтэ

Үөһэ өрүкүйдэ,
Аллараа дьабыннаах
Аллараа тимирдэ,
Абааһы уолаттара
Бэрис-күлүс
Хапчыс, ырас
Көдөс, суодас
Мэлис-ньылыс гынан хааллылар.
Алаатыыр Ала Туйгун
15640 Саманнык диэн
Саҥа саҥара турбута үһү:
— Дьиэ буо, дьиэ буо!
Көстүбэт бөҕө күтүрдээҕэ,
Торҕон абааһы
Соҕотоҕунан суоһуран,
Көҥүл күөмчүлээн,
Талбыккынан таралыйан,
Айыы айбыт киһитин-сүөһүтүн
Аҥардастыы баһылаан,
15650 Аҥаар өртүттэн
Аһылык гынан,
Аһаары аһайбыккын,
Сиэри сирдэммиккин,
Сиэхсит бөҕөнү
Сибилигин аҕай
Сиһин үөһүн
Силбиктээх илиибинэн булкуйан,
Чэгиэн эккин сэймэхтээммин,
Кыһыл эккин кырбастааммын,
15660 Кыра уҥуоххун кыдьымахтаан,
Хатан уҥуоххун хайытан,
Халыҥ тириигин сүлэн,
Хара хааҥҥын тоҕон,
Айыыгын арсыынныам,
Буруйгун муунталыам.
Көстүбэт бөҕө
Көлбөхтеөх көппөҕөрө
Көхсүн хараҕын
Үөннээх түптүйэ курдук
15670 Дьөлүтэ тэпсэ иликпинэ,
Кэмсилгэн тойуккун туой
Кэриэс тылгын этэ оҕус, — диэтэ.
Инньэ диирин кытта
- 369