Page 380 - Алаатыыр Ала Туйгун. 2-с үйэтэ

15760 Чинэрийэр кинээһэ,
Чакы Чураамчык аймахтарын
Торолуйар тойонноро,
Күлүк-дьэргэлгэн удьуордарын
Күүркэтэр ыксатар
Күтүр баһылыктара буолбут
Кэргэҥҥэ табыллан сылдьыбатах,
Кыдьылгы хара кыргыттардаах
Ойоххо тапсан олорботох,
Одулҕа-буура
15770 Дохсун уолаттардаах,
Кэдирги кэбэлкэй киһилээх,
Төтгорү сөрүөстүгэс
Түҥкэтэх дьонноох,
Суларын кэппэт
Суордуйа мөҕүүк атыырдаах,
Далга киирбэт
Таллан дьаҕыл биэлээх,
Бурҕалдьытын кэппэт
Өҥүрүк бүөттүк оҕустаах,
15780 Хотоҥҥо киирбэт
Хара төкөрөҥ ынахтаах,
Оһоллоох суоллаах
Ороскуотгаах аартыктаах,
Уорааннаах тэлгэһэлээх,
Уолугун үүтүгэр
Олорор оҕо саҕа
Оҥойор урдаах,
Уордаах төлөннөөх
Уһуутуур уот тыыннаах
15790 Улуутуйар Улуу Тойон оҕонньор
Уоҕан уола
Бүтүннүү уобар
Бөрөлүү ыйыстар
Куоһара хара
Кудулу Моҕой бухатыыр диэн буолабын.
Бу киэҥ Тумарыкы Эбэ хотун
Аналлаах иччитэ буолбут,
Тоҕус толуу үрэх баһын
Торолуйар тойоно буолбут
15800 Чукдаарыкы хара бухатыыр
Торолуйа тоттум,
Барҕара байдым,
- 372 -