Page 381 - Алаатыыр Ала Туйгун. 2-с үйэтэ

Уһаты уойдум,
Уйгум дэбилийдэ,
Быйаҥым бысхайда,
Үрүҥ сүүрүгүм үлүннэ,
Хараарар сүүрүгүм халыйда.
Үллэҥниир үгүс сүөһүбүтгэн,
Аштаҥныыр далай аспыттан
15810 Аһаан-сиэн ахталыйан,
Хонон-өрөөн хотолуйан,
Ыалдьытгаан сылдьан,
Билсэн-көрсөн,
Таҕыстын диэн,
Ыҥыттарбытын иһин
Ыар ыалдьыт буолан,
Ыалдьытгаан ырҕаатым.
Суон хоноһо буолан суоһаатым,
Сүдү тойон буолан түһүрүйдүм.
15820 Бу дойду
Киһитин-сүөһүтүн
Тобоҕолуу иликпинэ
Тохтуом суоҕа,
Барата иликпинэ
Барыам суоҕа.
Ойуулаах оккутун-маскытын
Олох көҕөрбөт гына
Уйгулаах сүмэтин
Тобулу уулаан,
15830 Хагдарытар санаалаахпын,
Кыппый күөх кырыскытын
Кыһыл кумаҕын кытыаһыннарыам,
Түмэн бараан дойдугутун
Түптэ күлүнэн өрүкүтүөм,
Сүөдэҥниири-бэриҥниири
Төрүт мэлитиэм,
Хамсыыры харамайы
Ханна даҕаны
Хаалларбакка хараныам,
15840 Мэһэйдэспити мэлитиэм,
Хардааччыласпыты хамыйан туран хараныам,
Эн даҕаны эрэйдээх
Айыы хаан аймахтарын араҥааччылыыр
Ааттаах бухатыырбын диэҥҥин,
Аччыаһыран сылдьаҥнын,
- 373 -