Page 382 - Алаатыыр Ала Туйгун. 2-с үйэтэ

Ардьамаан-Дьардьамаанныын охсуһаҥныт,
Улахан буруйу оҥороҥнуг,
Балтаччы буруйданан,
Сэлтэччи сэмэлэнэн,
15850 Соторуччудьүүллэнэн,
Күүскүт аҥаарын
Күрдьэҕинэн бастарбыккытын
Күлэбин даҕаны.
Ол гынан бараҥнын
Мин диэтэх киһини кытта
Туоххунан кэлэҥҥин,
Туруулаһыам диэҥҥин,
Чабыҥ диэн баҕайы
Чабычах саҕа буолан,
15860 Чобуоркуйа тураҕын.
Мин диэтэх киһи
Ааһар бөҕө албаспынан,
Куотар бөҕө кубулҕаппынан,
Дуолан хара
Атыыр оҕус буоламмын,
Бу дойдуну
Иитэ-саҕата биллибэт гына,
Иэдьэҕэй бадараан курдук
Хоточчу тэпсиэҕим.
15870 Ону туоххунан тохтотуоххунуй,
Нойон киһиэ? — диэтэ да,
Эһэлии часкыйда,
Бөрөлүү улуйда,
Умсары түстэ,
Таҥнары халаахтаата,
Түөрт буордаах сыгынах курдук
Баһырҕастаах бадьыр хара атахтаах,
Үрүҥ сүнньүттэн
Үргүлдьү үүнэн тахсыбыт
15880 Үс салаалаах
Үөрбэ батас муостаах,
Тоноҕоһун устун
Субуруччу үүнэн түспүт
Тоҕус бүгүйэх
Соллоҥ-моҕой кутуруктаах,
Сүүһүн хаба ортотунан
Буордаах куйуур
Ойбонун курдук
- 374 -