Page 383 - Алаатыыр Ала Туйгун. 2-с үйэтэ

Бурулуччу көрбүт харахтаах,
15890 Суулбут оҥкучах курдук
Дьөлөккөй эмэһэлээх,
Буор тумул саҕа
Буулаҕа хара
Өлөр Өлүү
Луо бээгэй
Атыыр оҕус буолан,
Умсары күрдьүөттээн
Буулаан туран кэбистэ.
Ону көрөн баран,
15900 Алаатыыр Ала Туйгун
Алыс абарда,
Кырдьык кыһыйда:
— Бу аан ийэ дойдубар
Айыым дьонугар
Алҕастык санаан,
Сыыһатык сылдьан,
Дохсуннук туттан,
Орто дойдуга
Уол оҕо барахсан
15910 Буруйу оҥордоҕуна,
Ороскуоттаах буолар
Эбит буоллаҕа.
Кэлин өртө кэмсилгэннээх,
Хойуку өртө
Хомолтолоох буолар эбит.
Күүһүм аҥаара
Көҕүрүөбэтэҕэ буоллар,
Көстүбэт бөҕө күтүрдээҕин
Күөлэһитиэм этэ,
15920 Адьарай бөҕө атамаанын
Адаарытыам этэ,
Аанай абам,
Туонай сүптэм!
Ол да буоллар
Айыы хаан аймаҕын
Араҥаччылыырга анаммытым,
Күн өркөн ууһун
Көмүскүүргэ күһэллибитим,
Хара хааным таммах
15930 Хаалыар диэри
Харсыһан иһэн

- 375 -