Page 384 - Алаатыыр Ала Туйгун. 2-с үйэтэ

Хааларым буолуо, — диэн
Хахай хаана киирдэ,
Хардааччы сигилитэ эргийдэ.
Уордаах хаана
Орой тымырынан
Уоҕуран таҕыста,
Икки иэнин иҥиирэ
Икки киил айа кирсин курдук
15940 Кэдэриччитарта,
Уон тарбаҕын сүрэҕэ
Уон сордоҥ балык курдук
Бүллүргэччи мөҕүстэ,
Таман эттэрэ
Таймыын балык курдук
Уһулута ойуолаата,
Түөһүн этэ
Чүүчээх* балык курдук
Түллэҥнии мөҕүстэ,
15950 Сиһин этэ
Чиир балык курдук
Тибигирэччи тэбиэлээтэ,
Икки хараҕын уота
Икки чанчыгын аһын
Улуу уус
Сириэдиһинин курдук
Сирдиргэччи салаан таҕыста.
Хадай хааннанна,
Бөппүрүөк мөссүөннэннэ,
15960 Эриллэҕэс этгэннэ,
Өһөс өйдөннө,
Өксөкүлүү үөгүлээтэ,
Хахайдыы хаһыытаата.
Өлөр Өлүү
Луо бээгэй
Атыыр оҕуска
Уун-утары сүүрэн тиийэн,
Аныгылыы холооһуҥҥа
Тоҕус уон бууттаах
15970 Олуй-молуй
Тимир чомполой сүллүгэһинэн
Уу дьулайга саайан эрдэҕинэ,
Оҕус түллэхис гынна,
Түүрүллэ түстэ,
- 376 -