Page 386 - Алаатыыр Ала Туйгун. 2-с үйэтэ

Синим биир диэт,
Уон болгуо тимир курдук
16020 Модьу баабый тарбаҕынан
Муоһун төрдүттэн,
Буулаҕалаах хоолдьугуттан
Батары харбаан ылла,
Умсары батгаата,
Таҥнары сабырҕахгаата.
Анньыһыы кытаанаҕын анньыстылар,
Мөхсүү күүһүн мөҕүстүлэр,
Тараҕай таас булгунньах
Суорба тааһын
16030 Тобулута тэбиннилэр,
Тоҕута үктээтилэр,
Логлорута тэптилэр,
Сүүллээх этиҥ курдук
Лүһүгүрүү сүүрдүлэр,
Сааллар чаҕылҕан курдук
Таҥнары дапсыстылар.
Тараҕай таас
Булгунньах үрдүгэр
Сириэһин уот сирэлийдэ,
16040 Кутаа уот буолан
Куугуначчы умайда.
Киэҥ Тумарыкы Эбэ хотун
Улуу күөлэ
Улаҕатытган долгуйда.
Көл үйэ күөллэрэ
Түгэхтэриттэн түөрэ эргийэн
Түллэҥнээн таҕыстылар.
Хонуутун кырса
Ураһа муоһун курдук
16050 Онно-манна
Т үүрүллэ-тү үрүллэ
Долгун курдук уһунна.
Ойуулаах ото-маһа
Тоһута тоҥон,
Дохсун буурҕа буолан оргуйда.
Эргэнэ хара тыата
Иэн иҥиирин курдук
Ибили сынньыллан
Сатарыйан таҕыста.
16060 Сир дайды
- 378