Page 387 - Алаатыыр Ала Туйгун. 2-с үйэтэ

Сибиэтэ биллибэт буолла,
Аан дайдыга
Барыла көстүбэт
Ала буурҕа түстэ.
Ынах сүөһү
Бытанан-ыһыллан
Бырах барда,
Сылгы сүөһү
Кыйданан ыһылынна.
16070 Бу дойду
Мыраанныын быһынна,
Сыырдыын сыылла,
Тумуллуун суулла,
Көмүктүүн көҥүрүйдэ,
Күн көрбөт
Күдэригэ буолла,
Ый тыкпат
Ыыспата ытылынна.
Хорсун өртүлэрэ
16080 Куруҥ хара тыаҕа
Курайа сүүрэн,
Куотан тахсан,
Хорҕойон бардылар.
Бытаан өртө быстарда.
Бокоойу өртө
Буурҕа муҥунан бокуонньуктаатылар,
Сыылба өртө
Тибиигэ типтэрдэ.
Ньирэйи тибии типтэ,
16090 Кулуну хомурах баттаата,
Торбуйаҕы тоҥот көмнө.
Торточчу тоҥнулар,
Күнү-түүнү билбэккэ
Күүстээх охсуһууну
Охсуһа сырыттылар.
Төһө да хонукка
Охсуспуттарын билбэтилэр.
Биирдэ өйдөнөн көрбүтэ —
Өлүү Луо бээгэй оҕуһа
16100 Мунна буһурҕаабыт,
Таныыта тартаҥнаабыт,
Бэлэһэ бэтиэхтээбит,
Икки дьабалдьатыттан*
- 379 -