Page 388 - Алаатыыр Ала Туйгун. 2-с үйэтэ
P. 388
Саах балбаах саҕа
Чалахай хара сыраана
Таҥнары санньылыйан түспүт,
Көспүт күөл
Көлбөҕүн курдук
Күөх чалахай көл үһүнэ
16110 Көҥү сүүрбүт,
Икки тобуллаҕас бүөрэ
Суулбут оҥкучах курдук
Тобулута уолбут,
Иһин түгэҕиттэн
Эппэҥнээбит эбит.
Тобугар тиийэ
Тоҕо сыптарыйбыт,
Такымар тиийэ
Таҥнары саатаҕырбыт,
16120 Мөҥүрүүрэ мөлтөөбүг,
Тоҥкучахтыыра тохтообут,
Сиэлийэрэ сэдэхсийбит,
Муоһа мултуйбут,
Туйахтара туруттубут.
Алаатыыр Ала Туйгун
Абаран-сатаран
Күүһүн киллэриннэ,
Көхсүн этиттэ,
Быччынын күүртэ,
16130 Быыппаста түстэ,
Этэ тыылынна,
Иҥиирэ лыҥкынаата.
Үс кэбиһэ былас
Өрбөйөр өртүгэр
Мииннэрэн аҕалан,
Алта кэбиһэ былас
Дада бараан саннынан
Бөлүөҕэ балык курдук
Мөҥүллүөр хара
16140 Бүлгүнүн үрдүнэн
Сүгэн ылан баран,
Тараҕай таас булгунньах
Төбөтүн оройугар
Аҕыс ойоҕоһун хампы,
Тоҕус ойоҕоһун тосту
Быраҕан түһэрдэ.
- 380 -
