Page 389 - Алаатыыр Ала Туйгун. 2-с үйэтэ
P. 389
Суон моонньун төрдүттэн
Ыга тэбинэн баран,
Хоҥхойор куолайын үүтүнэн,
16150 Хаҥкыйар хаалдьыгын хараҕынан,
Дуолан хара оҕус
Буулаҕалаах моонньун
Булгу эрийэн,
Үрүҥ сүрүннэри,
Өҥүргэс хабарҕалары,
Субуруйар куолайдары,
Чороҥнуур тыллары,
Балыксыт ыал
Балаҕанын аҥаарын саҕа
16160 Малаада маҥаас төбөтүн
Моонньун ортотунан
Булгу эрийэн,
Быһа тардан ылла,
Ол гынан баран
Саманнык диэн,
Саҥа саҥара турбута
Эбитэ үһү:
— Дьиэ буо, дьиэ буо!
Бу тоҕус толуу үрэх баһын
16170 Торолуйар тойоно буол бут
Чукдаарыкы бухатыыр
Тойон убайым, этэр тылбын
Истэ сэргэҕэлээ,
Тумарыкы Эбэ хотун
Торҕо күөҕэр
Торолуйа улааппыт
Торбоһуҥ төбөтүгэр
Топпотоҕуҥ буолуо.
Ол иһин
16180 Үөһээ бөҕө
Үлүгэрдээх үс биис ууһун
Үрдүк баһылыга буолбут
Улуутуйар Улуу Тойон оҕонньор
Орулуур отут сылы мэлдьи
Курулаан ииппит
Бурҕалдьыны кэппэтэх
Буулаҕа хара
Өлөр Өлүү Луо бээгэй
Атыыр оҕуһун
381 -
