Page 398 - Алаатыыр Ала Туйгун. 2-с үйэтэ

Үөрүү-көтүү өрөгөйдөөтө,
Уруй-айхал улаатга.
Оннооҕор эһэлэрэ-эбэлэрэ
Уолуйан уһуктар
Уор Дьаҕыл оҕонньор,
Кыыдыйан уһуктар
16540 Кыыр Дьаҕыл эмээхсин
Тобуктарын үрдүгэр
Такыйа кырдьан,
Оҕолоро кэлбитигэр
Үөрэн-көтөн,
Эдэрдэригэр түһэн,
Эйэҥнэһэн-сэйэҥнэһэн
Тиийэн кэллилэр.
Күн сирин
Көтөрү баттаан көрдөрбүт
16550 Күбэй хотун ийэлэрэ
Кылааннаах өргөстөөх
Кыыс Ньургун бухатыыр
Баараҕай ойуур саҕа
Барыйан турар,
Бар дьонун
Барытын тоҕуорутан,
Батыһыннаран киирэн,
Бу Күн Тэгиэримэ Эбэ хотун
Килэрийэр киинигэр,
16560 Дьогдьойор саалыгар,
Туналыйар ньууругар,
Туйгутуур уорҕатыгар,
Таалалыыр саһыл хонуутугар,
Араҕас таһаатыгар,
Унаарар состуойугар,
Улуу ураанньыгар
Эрийэлии тигэн иилээбит,
Сарбынньахтыы тигэн намчааһыннаабыт,
Арыылаах аҕыныахтаах
16570 Арыҥа туос
Арыы мэһэмээнин
Умсары уурбут курдук
Арыы чаалай булгунньаҕар,
Аҕыс салаалаах
Айыы байах*
Аар Луук Мастарын төрдүгэр
- 390 -