Page 393 - Алаатыыр Ала Туйгун. 2-с үйэтэ

Уһуутуур уораҕайын
16320 Ортотугар тимирэн,
Умса хоруйан дьоҕуланна,
Аҕыс атахтаах
Адьарай бөҕө
Адалыйар-айгыстар
Анысханнаах аартыга сабылынна,
Көстүбэт бөҕө күтүрдээхтэрэ
Күөдэлиһэн кэлэр
Кутгаллаах суоллара бүөлэннэ,
Күммүт таҕыста,
16330 Күөрэгэйбит ыллаата.
Көҥүл-босхо
Күлэ-оонньуу
Көрүлүү-нарылыы олоруоххут.
Тулхатыйбат-иэҕэлдьийбэт
Тоҕус томторҕолоох
Чуор маҕан сэргэлэргитин
Субуруччу туруоран,
Тоҕус чуор мутук кулугулаах
Тоҕой сэлэни
16340 Тоҕуоруччу тардыҥ,
Хагдарыйбат аан чэчири
Адаарыччы анньыҥ,
Түөлбэ түһүлгэтэ тэрийиҥ,
Ытык ыһыахта ыһыҥ.
Халыҥ халҕаҥҥыт сэгийбэтин,
Суон сүллүгэскит төлөрүйбэтин,
Оттубут уоккут умуллубатын,
Оһоххут буруота тостубатын,
Уулуур ойбоҥнуг хайыарбатын,
16350 Ойуулаах-оһуордаах
Оккут-маскыт хагдарыйбатын,
Уйгу быйаҥҥыт уостубатын,
Төрөтөр оҕоҕут төлкөлөннүн,
Иитэр сүөһүгүт күрүөлэннин.
Кэнчээри ыччаккыт
Кэскиллэнэ турдун.
Өлбөт өрөгөйдөнүҥ,
Самныбат саргыланыҥ,
Уруй-туску буоллун,
16360 Уруй-айхал буоллун! — диэтэ
Алаатыыр Ала Туйгун.

- 385