Page 399 - Алаатыыр Ала Туйгун. 2-с үйэтэ

Дьонун-сэргэтин тоҕуорутта.
Аймах-билэ дьонун арыаллатан,
Түөлбэ түһүлгэни тэрийдэ,
16580 Үөрэн-көтөн мичилийдэ,
Саҥаран-иҥэрэн самалыйда.
Улуу күөл көхсүн саҕа
Түөлбэ түһүлгэ ортотугар
Уоллаах кыыс оҕолорун
Кэккэлэччи туруорда.
Ол гынан баран
Албан ааттарын
Ааттаатаҕым буоллун,
Дьоһун сурахтарын
16590 Сурахтаатаҕым буоллун диэн,
Өрүөбүт уоһун өһүллэ,
Хоммут уоһун хомурда,
Саҥа саҥара,
Тыл кэпсии,
Өс тобула турда:
— Дьиэ буо, дьиэ буо!
Айыы хаан аймахтара
Алтан түөстээх
Айыы далбарайдарбытын,
16600 Күн өркөн уустара
Көмүс түөстээх
Күндү күөрэгэйдэрбитин,
Тоҕуһун үйэтин тухары
Сууйуллубакка-мүччүрүйбэккэ,
Сураҕырдыннар диэммин,
Соноҕос ат уйбат
Суо дьэҥкэ сурахтарын
Саас-үйэ тухары
Арахсыбакка-ааспакка,
16610 Аатырдыннар диэммин,
Аллаах ат кыайан таппат
Аар саарбан ааттарын
Ааттаатаҕым буоллун.
Уол оҕобут аата
Дохсун айаннаах,
Чучураан сырыылаах
Солоҥдо-тураҕас аттаах
Т уруулаһ ыылаах-моккүөрдээх
Дьоллоох Дьуруо Бөҕө диэн буоллун.

391 -