Page 397 - Алаатыыр Ала Туйгун. 2-с үйэтэ

Тоҕус туллук кыылым тохтообокко,
Дьурулуу сүүрэр
Дьоруо атым
Таба дугунан ааспат
Дьулусхааннаах дьулуо маҕан
Тусаһатын ортотугар
Айыылаах киһи
Аттыгар барбат,
Буруйдаах киһи
16500 Букатын чугаһаабат,
Үрдүгэр өксөкүлээх,
Үс моонньохтоох,
Сиэллээх-дэйбиирдээх,
Тойон баадай
Сэргэтин төрдүгэр кэлэн,
Араҕас сиэр
Ата барахсан
Күөнүнэн анньыллан,
Харыс гынан
16510 Тохтуутүстэ.
Инньэ гынарын кытта
Т ыллаах-өстөөх
Чычыгыр чуоҕур аттаах
Нарын Ньургустай
Быһый киһи быһыылаах,
Күүстээх киһи көрүҥнээх,
Бухатыыр киһи мөссүөннээх,
Ситэн-хотон эрэр
Бухатыыр уол оҕотун
16520 Уҥа илиитигэр сиэтэн,
Саннын байаатыгар диэри түспүт
Арыы саһыл баттахтаах,
Кыстык тэтэркэй имнээх,
Кыыс оҕотун
Хаҥас илиитигэр сиэппитинэн,
Үөрэн-көтөн
Уун-утары тахсан кэллэ.
Субан туруйа уолаттар
Туллук кыыл курдук
16530 Тоҕуоруһа түстүлэр,
Кыталык кыыс дьахталлар
Кытат кыыл курдук
Арыаллаһан бардылар.
- 389 -