Page 400 - Алаатыыр Ала Туйгун. 2-с үйэтэ

16620 Кыыс оҕобут аата
Уохтаах айаннаах
Омуннаах сырыылаах
Улуу Чучураан
Улаан сиэр аттаах
Оҕо Ньургустай бухатыыр диэн буоллун.
Үрдүк тумул саҕа
Өлбөт өрөгөйдөнүҥ,
Саар булгунньах саҕа
Самныбат саргыланыҥ,
16630 Аҥаалык улар саҕа
Ахтар айыыһыккыт
Арахсыбакка аргыстастын,
Токутар улар саҕа
Дьөһөгөй айыыһыккыт
Тохтообокко доҕордостун,
Эрдэҕэс улар саҕа
Эдьээн Иэйэхсиккит
Энчирээбэккэ эҥэрдэстин,
Айыы хаан аймахтарын араҥаччылыыр
16640 Аһыныылаах санаалаах
Албан аатгаах
Айыы бухатыырдара буолуҥ!
Дьол бараан тосхолуннун,
Саргы-дьаалы салалыннын,
Өрөгөй-талаан үрдээтин,
Уруй-тускул буоллун,
Уруй-айхал буоллун! — диэтэ.
Айыы хаан аймахтара
Күн өркөн уустара
16650 Бөлөх-бөлөх төгүрүстүлэр,
Мөҥүрүк-мөҥүрүк муһуннулар,
Бары биир куолаһынан
Үҥкүүлүү-ыллыы сырыттылар:
— Дьиэ буо, дьиэ буо!
Бу бүгүҥҥү
Тэргэн ыйым саҥатыгар,
Тэгиэн күнүм үтүөтүгэр
Өрөгөйбүт үрдээтэ,
Саргыбыт салалынна,
16660 Дьолбут тосхолунна,
Аһыныылаах санаалаах
Аҕыс айыы аймахтарын
- 392 -