Page 396 - Алаатыыр Ала Туйгун. 2-с үйэтэ

Сиэлэ нэлэһийдэ,
Кутуруга субуруйда,
16450 Коҕүлэ өрүкүйдэ,
Кулгааҕа чөрөйдө,
Ньилбэҕэ күөрэйдэ,
Туйаҕа төгүрүйдэ,
Төбөтө ньулбуйда,
Самыыта лаппайда,
Ойоҕоһо тэппэйдэ,
Уһуннук олуктаата,
Киэнник хардыылаата,
Дириҥник чүөмчүлээтэ,
16460 Сиэлэн дьигиһийдэ,
Атаралаан айаннаата,
Тэһиинитгэн тэбиэһирдэ,
Көнтөһүггэн-күүһүрдэ,
Уостуганыттан уоҕурда,
Ыраах сири ыҥыччылаан,
Күтүр сири күһэйэн,
Бэрт сири дьокуйан,
Уурдаран-оҕустаран,
Айаннатан-астаран,
16470 Дьабыдытан-дьалкытан,
Түһэн бара турда.
Өр да айаннаабытын билбэтэ,
Өтөр да айаннаабытын билбэтэ.
Адыс иилээх-саҕалаах
Атааннаах-мөҥүөннээх
Айгыр-силик
Алыгыр-налыгыр
Аан ийэ дайдытыгар
Тиийэн кэлэн,
16480 Күн Тэгиэримэ Эбэ хотун
Торҕо күөх
Толоонун ортотугар
Сирэм күөх сиэдэрэй сирин
Чэлгийэр киинигэр,
Ача күөх
Аҥаарыйар таһаатыгар
Аарыгыран олорор
Аан алаһатыгар,
Кэтит ордуутугар
16490 Кэкэ чуоругар
- 388 -