Page 394 - Алаатыыр Ала Туйгун. 2-с үйэтэ

Онуоха
Кыталык кыыс дьахталлар,
Субан туруйа уолаттар
Биир куолаһынан тыл этэ,
Саҥа саҥара
Тоҕуоруһан турдулар:
— Дьиэ буо, дьиэ буо!
Айыы хаан аймахтарын
16370 Аһыныылаах санаалаах
Аатгаах бухатыыра
Араҕас сиэр аттаах
Алаатыыр Ала Туйгун,
Тойон убайбыт,
Аҕыс атахтаах
Адьарай бөҕө
Алдьархайдаах адьыррларытган
Арааран абыраабыккар,
Көстүбэт бөҕө
16380 Күтүрдээх үлүгэриттэн
Көмүскээн ылаҥҥын,
Күнү көрдөрбүккэр,
Көтөҕөн-сүгэн уйаргынан
Күндү махталбытын
Көтөллөнөн тиийэҥҥин,
Күн өркөн уустарыгар,
Айыы хаан аймахтарыгар,
Аймах-билэ дьоҥҥор
Кэһии оҥостон,
16390 Киэн туттан
Кэпсээн гынаар.
Кэрэмэс саһыл кыылым
Кэлин тэбэҕэйин
Кэккэлэччи туппут курдук
Кэрэ-тэгил дьоҥҥор
Кэрэхсэтээр эрэ,
Былаҕайга былдьатыма,
Очурга оҕустарыма,
Тэхтиргэ тэптэримэ,
16400 Албан аатыҥ алдьамматын,
Дьоһун сураҕын' тубустун,
Дьол-бараан тосхолуннун,
Өрөгөй-талаан үрдээтин,
Саргы-дьаалы салалыннын,

- 386 -