Page 42 - Алаатыыр Ала Туйгун. 2-с үйэтэ

Бу дойду
Сис хара тыатын
Силэйэ көтүтэн,
Үрдүктумулун
Үөһээ мындаатыттан
Өрүкүтэн киирэн,
Ньургун көнө хонуутун
1410 Тураҥ буорун
Тоҥ булууһугар тиийэ
Тоҕута тэптэрэн,
Дэбилитэн иһэн
Алаатыыр Ала Туйгун
Араҕас сиэр атын
Айаҕын хантаччы тутан,
Хааддьыгынан оонньотон,
Кырыытынан таһылдьытан,
Төттөрү чугурутта,
1420 Тохтуутүстэ.
Бу Киэҥ Туоллума Эбэ хотун
Кэтит эйгэтинэн
Түөрт өртүн
Төгүрүччү көрөн кэбиспитэ —
Баран иһэр кыылым
Маталдьыйар батаһын
Бааралыы туппут курдук
Бэрт хара тыа бастыҥалаах,
Куотан иһэр кыылым
1430 Нуоҕалдьыйар куорсунун
Холбуу туппут курдук
Кундаар күөх тыа кунустаах,
Иһэр кыылым
Эрбийэтин түүтүн
Эрбэччи туппут курдук
Эргэнэ хара тыа эркиннээх,
Сарт кыылым
Сарбынньахтаах кутуругун
Сараадыччы туппут курдук
1440 Чагда хара тыа дьайыҥнаах,
Ити ис кырыытынан
Ыаҕайалаах оҕолор
Ыстанан баран иһэллэрин курдук
Ойдом-ойдом ойуурдара
Онон-манан
- 38 -