Page 45 - Алаатыыр Ала Туйгун. 2-с үйэтэ

Соҕуруу тоҕойуттан
Тутуһан тумулланан кэлбит
Торҕо күөх толооттордоох,
Арҕаа мыраанытган
Салгыы намылыһан кэлбит
Аҥаат-маҥаат
Арарс таманнардаах,
Аана биллибэт
1540 Аан далайдаах,
Түгэҕэ биллибэт
Чөҥөрө чүөмпэлэрдээх,
Үрүмэрбэт үүт күөллэрдээх.
Бу үтүө дойдум
Үллэр үөһүгэр
Үрүҥ хомурах дуу диэбитэ —
Үрүҥ сүүрүгэ
Үөрдүһэн үөскээбитэ
Үмүөрүһэн тураллар эбит.
1550 Хара ыарҕата дуу диэбитэ —
Хара сүүрүгэ
Ханыылаһан арыаллаабыттар.
Көтөр кынаттааҕа
Көччүйэн үөскээбит,
Сүүрэр атахтааҕа
Мэнээктээн дэлэйбит,
Торҕо күөҕэ торолуйбут,
Ача күөҕэ аҥаарыйбыт,
Сиэрэй сибэккитэ сиппит,
1560 Сирэм ото сириэдийбит,
Чэлгийэ көҕөрбүт.
Киирбэт күннээх,
Кэхтибэт киһилээх,
Төннүбэт сүөһүлээх
Киэҥ Туоллума Эбэ хотун
Килэйэр киинигэр,
Хабыллар хаба ортотугар,
Дьогдьойор саалыгар,
Туналыйар ньууругар,
1570 Туйгутуур уорҕатыгар,
Таалалыыр саһыл хонуутугар,
Ньалҕарыйар таманьҥар,
Саннын кэҕэтигэр,
Быладьыйар быттыгар,

- 4 1 -