Page 44 - Алаатыыр Ала Туйгун. 2-с үйэтэ

Мэник куосааҕын курдук
1490 Эҥээт-мэҥээт аартыктар
Эҥэлдьиһэн киирэн кэлбиттэр.
Соҕуруу өртүн диэки
Субуруччу көрөн кэбиспитэ —
Тоҕус ураанньыктаах
Улуу тумул
Улаҕа дьулаҕайдарыттан
Соноҕос атым
Сиһин оруутун курдук
Дьураа хара аартыктар
1500 Дьураадыһан субуһан
Түспүттэр эбит.
Арҕаа диэки өртүн
Арыйа баттаан көрбүтэ —
Аҕыстаах-тоҕустаах
Атыыр оҕустар
Айаатаһа туралларын курдук
Адаар хара тумуһахтар,
Анарааҥҥы таһаатыттан
Аас маҕан
1510 Атыырсылгы
Ардайдаах сиэлин
Арыйа баттаабыт курдук
Айдам-сайдам аартыктар
Таҥнары харылаһан түспүттэр.
Хотугу өртүнэн
Холбуу көрөн кэбиспитэ —
Куотан иһэр буур тайахтар
Төттөрү бугуйан
Туралларын курдук
1520 Куруҥ-маҕаас тумуһахтар,
Күл үк өртүлэриттэн
Куһаҕан оҕонньор
Хоҥкучаҕын дьаппатын курдук
Куолаҕай-иэлэҕэй аартыктар
Кутуллан-симиллэн түспүттэр.
Илин бырааныттан
Силбии сиэттиһэн түспүт
Ирим-дьирим сыһыылаах,
Хоту хонноҕутган
1530 Холбуу хоторуһан түспүт
Хочо күөх хонуулардаах,

- 4 0 -