Page 58 - Алаатыыр Ала Туйгун. 2-с үйэтэ

2090 Хантаччы хантарҕалаата,
Өкчөччү үүннээтэ,
Сэгэччи тэһииннээтэ,
Үрдүгэр олоро түстэ,
Бокуойа суох уостуганнаата,
Ыпсыыта суох тыбылыйда,
Дьаабыта суох таһыйда,
Толоону быһа тоҥкучахтатта,
Хонууну быһа хойбороҥнотто,
Алааһы быһа таҥкычахтатта,
2100 Аар Луук Мае төрдүгэр
Алаатыыр Ала Туйгуҥҥа
Тиийэн кэллэ.
Таһынан таһылҕалатта,
Кырыытынан кыдьараҥнатта,
Сэттэтэ чэччилээтэ,
Түөртэ төгүрүйдэ,
Төттөрү чуҥуруҥнатта.
Чобуо-чопчу саҥаны саҥарда,
Чуураан дьэҥкэ тойугу туойда:
2110 — Уһулаатыгар, уһулаатыгар!
Атаҕын икки ардынан
Аҕыстык дьылхан тиит
Устатын сарны
Аралдьыта үктээн,
Атаралаан сиэлэн барар
Ахсым айаннаах
Араҕас сиэр аттаах
Алаатыыр Ала Туйгун
Тойонноотор тойон убайым,
2120 Толомон Суорун оҕонньорго,
Тоҥкуруун Баай эмээхсиҥҥэ
Суһал түргэнник
Тахса тардыаҥ үһү.
Күндү ыадцьытынан
Көрсүһэргэ тоһуйаллар
Кэрэ-дьикти
Кэрэхсэбиллээх кэпсэтиини
Кэпсэтиэхтэрэ үһү.
Дьикти сонуну
2130 Сэһэргэһиэхтэрэ үһү.
Ас бөҕөнү
Адьарыччы астаатылар,

- 54 -