Page 54 - Алаатыыр Ала Туйгун. 2-с үйэтэ

Аҥаар илиитин бүлгү түстэ,
Боруоҕун атыллаары,
1920 Аҥаар сототун тосту түстэ,
Дьиэтин иһигэр
Тэлиэскэйдээн киирэн,
Уҥа холумтан муннугар
Тоҕус ойоҕоһун тоҕу түһэн кэбистэ.
Соҕотох атаҕынан
Дугуммахтаан иһэн
Соҕуруокка баҕанатыгар
Тумсун-уоһун
Соҕотохто туура түстэ.
1930 Дьиэ ортотугар тэмтээкэйдээн тиийэн,
Аҥаар сототун тосту түһэн кэбистэ,
Тура-тура соһулунна,
Сыта-сыта сыылаҥхайдаата,
Тиэрэ-маары тиэрийтэлээтэ,
Умсары хойуостанна,
Таҥнары таралыйда,
Саманнык диэн
Сана саҥаран,
Этиэх иннинэ эппэҥнии,
1940 Тыыныах иннинэ тыҥаластыы,
Сыппыта эбитэ үһү:
— Алаатыгар алаатыгар, оҕолоор !
Бу бүгүҥҥү
Тэбиэн күнүм үтүөтүгэр,
Тэргэн ыйым саҥатыгар
Билбэтэх бэрт
Дьиктибин биллим,
Көрбөтөх күндү
Сонуммун көрдүм.
1950 Бу Киэҥ Туоллума Эбэ хотун
Кт1лбэйэр киинигэр,
Туналыйар ньууругар
Аҕыс салаалаах
Аар Луук Маспыт төрдүгэр
Бухатыыр гиэнэ боччума,
Киһи гиэнэ кэрэмэһэ
Сытар эбиг доҕоттоор!
Итинник бэйэлээх киһини
Саллайар сааспар,
1960 Үллэйэр үйэбэр

50 -