Page 55 - Алаатыыр Ала Туйгун. 2-с үйэтэ

Хара харахпынан көрбөтөҕүм,
Хаптаҕай кулгаахпынан истибэтэҕим,
Сэттэ киһи үйэтин тухары олорбут
Дьөһөгөй Тойон оҕонньорго,
Нэлэмэн Баай хотуҥҥа
Сэттэ уон сэттэ төгүрүк сыл сылдьыбытым.
Сир уйбат сиилинэйдэрин,
Буор уйбат бухатыырдарын
Мунньуталыыр буолара.
1970 Оннодаҕаны
Итинник киһини көрбөтөҕүм.
Аҕыс киһи үйэтин тухары олорбут
Албан-Саарын оҕонньорго,
Айыы-Саарын эмээхсиҥҥэ
Аҕыс уон аҕыс төгүрүк сыл сылдьыбытым.
Аан дойду
Албан ааттаахтарын,
Орто дойду
Улуу туйгуттарын
1980 Ыҥырталаан аҕалан,
Ытык ыһыаҕы
Ыһар буолара,
Онно даҕаны
Итинник киһини көрбөтөҕүм.
Субу манна
Тоҕус киһи үйэтин тухары олорбут
Толомон Суорун оҕонньорго
Тоҥкуруун Баай эмээхсиҥҥэ
Тоҕус уон тоҕус
1990 Төгүрүк сыл сылдьыбытым.
Сир ийэ тэтиэнэх күүстээхтэрин,
Буор ийэ бухатыырдарын
Мунньуталыыр буоларгыт,
Манна даҕаны
Итинник киһини көрбөтөҕүм.
Баатыгырын били аатырдар
Алаатыыр Ала Туйгун бухатыыргыт
Кэлбитэ буолаарай?
Көрүгэс үтүөлэрэ
2000 Көрө охсуҥ,
Билигэс бэртэрэ
Билэ тардыҥ.
Сүрэҕим өрүкүйдэ,

- 51 -