Page 59 - Алаатыыр Ала Туйгун. 2-с үйэтэ

Күөс бөҕөнү
Күдүөрүччү күөстээтилэр,
Сандалы ман ан
Остуолу тартылар.
Оһуор-дьэрэкээн
Өлбөҕү* уурдулар,
Уруйдуу тоһуйарга
2140 Уолан дьон бэртэрэ
Оҥостон эрэллэр.
Эйигин арыаллаары,
Эһиэккэстээх* үчүгэй
Эдэркээн кыргыттар
Элбээбит этилэр, — диэтэ да,
Үрүҥ хомурах курдук
Үмүөрүһэн турар
Үөр сылгы ортотутар
Өрүкүс гынан хаалла.
2150 Инньэ гынарын кытта
Иһиттиэм-истибэтиэм диэтэ,
Алаатыыр Ала Туйгун
Ойон турда.
Багдайан көстөр
Баараҕай балаҕан диэки
Байым-сайым дайбаата.
Бадьыр-идьир үктэннэ,
Баһыах-иһиэх хаамта,
Ниһир-наһыр тэбиннэ.
2160 Дьилискэннээх дьилиэ маҥан
Тэлгэһэлэрин ортотутар
Тиийэн кэллэ.
Айыылаах киһи
Аттыгар барбат,
Буруйдаах киһи
Букатын чугаһаабат
Үрдүгэр өксөкүүлээх,
Сиэллээх дэйбиирдээх,
Тоҕус томторҕолоох
2170 Тойон баадай сэргэлэрин
Тоҕус үрэх баһа
Дуораһыйыар дылы
Тоҥсуйан дьабырытта.
Ону истээт,
Хантан да

- 55 -