Page 60 - Алаатыыр Ала Туйгун. 2-с үйэтэ

Кээлтэрин билбэтэ,
Тоҕус дьулусхан
Субан туруйа уолаттар
Тула үмүөрүһэн,
2180 Доҕуһуоллаан бардылар.
Аҕыс аркыыда кыталык
Кыыс дьахталлар
Аттыгар кэлэн арыаллаатылар.
Тоҕус буойун
Бухатыыр киһи
Тоҕустаах дуолан хара
Атыыр оҕус саҕа
Суорба таастары
Субуруччу уурталаан биэрдилэр.
2190 Алаатыыр Ала Туйгун
Таастан тааска үктэнэн,
Тусаһаларын ортотугар
Тоҥ буоругар тиийэ,
Тобулута тирэнэн истэ.
Сэттэ кэлимсэ тиит
Дьиппиэн хара халҕаннарын
Тэлэйэ баттаан биэртэрин
Ааннарын икки холуодатын
Икки саннынан
2200 Икки аҥы
Саҕарыччы анньан кэбистэ.
Аҕыс хос кэлимсэ тиит
Муосталарьш
Ардьаах мае курдук
Хачыгыраччы хаамта,
Хотолдьуччу үктээтэ,
Оһуор хара тыа
Уһун дьылхан тиитин
Устатынан уурбут
2210 Оһуордаах-дьэрэкээннээх
Уҥа диэки
Оронноругар тиийэн
Олоро түспүтэ.
Үөл кулуһун курдук
Өҕүллэ түһэн эрдэҕинэ,
Тиэрэ чинэрис гынабын диэн,
Лиҥкир хара
Сэбэргэнэ өһүөлэрин
- 56 -