Page 53 - Алаатыыр Ала Туйгун. 2-с үйэтэ

Олоотуу турда.
Толоону тула көрөн,
Чолооруннаата,
Сыһыытын диэки сынтаарыйда,
Алааһын тула көрөн антаарыйда*.
1880 Аар Луук Маһын төрдүгэр
Алаатыыр Ала Туйгуну көрө түстэ.
Соһуйан чугуруҥнаата,
Тиэрэ тэмтээкэйдээтэ,
Лэҥкэр хара ытыһынан
Таҥнары чарапчыланан
Хантайа-хантайа
Хааннааҕынан хаһылыччы көрдө,
Өндөйө-өндөйө
Өһөхтөөҕүнэн өрө көрдө,
1890 Чолойо-чолойо
Туруорунан дьолточчу көрдө,
Тоҕус туос ыаҕайалары
Хампарыта оҕуста.
Оргуһаҕын тоҕус сиринэн
Тоһута үктээтэ,
Тоҕус толугурдаах торбуйаҕын
Тоҕустуу ойоҕосторун
Хампарыта тэбистэ,
Үлтүрүтэ эккирээтэ,
1900 Өрүтэ мэҥийдэ,
Ньилбэгин охсунна,
Тэлиэс-былаас тэбиннэ,
Сэтии мыаннырыгын
Сиритэ тэбистэ,
Сарыы мыаннырыгын
Тоҕута үктээтэ,
Тоҕуста тобуктаата,
Аҕыста аттаата,
Сэттэтэ сири харбаата,
1910 Дьиэтин диэки киирэн,
Сири-буору тайанан,
Тиҥкичэхтии турда,
Тэлгэһэтигэр киирдэ,
Чиэскитик тиэтэйдэ,
Олус уолуйда,
Алыс аҕылаата,
Аанын аһан киирээри,
- 4 9