Page 62 - Алаатыыр Ала Туйгун. 2-с үйэтэ

Сул маҕан
Истиэнэлээбиттэр эбит.
Үөһээттэн үргүөр бөҕө
Үргүйбэтин диэннэр,
Үс хос үллүк хара
Үрүттээбиттэр эбит.
Алларааттан аргыар бөҕө
Аргыйбатын диэннэр,
2270 Аҕыс хос дьапталҕа
Хара муосталаабыггар эбит.
Кэтэҕэриин өртүн диэки
Олорор киһи
Кэҕэ саҕа буолан
Чэкэйэн көстөр,
Киирбит ыалдьыты кытта
Киллигирэччи кэпсэтэ турар
Киҥкинэс киэҥ дьиэ
Килэһийэн барбыт.
2280 Хаҥас диэки сылдьар киһи
Хараҥаччы саҕа буолан
Харааран көстөр
Хатын дьахтары кытта
Хаҥкыначчы кэпсэтэ турар
Халысхан киэҥ дьиэ буолан
Халлыһыйан барда.
Суол аанын диэки
Сылдьар киһи
Чооруос саҕа буолан
2290 Чуорайан көстөр
Тойон киһини кытта
Дуораһыччы кэпсэтэ турар
Дорҕоон киэҥ дьиэ буолан
Дуораһыйан барда.
Бу маннык киэҥ үөрүк*
Кэтит ордуу
Кэпсэтиэххэ айылаах кэргэттэрэ,
Аналлаах иччилэрэ,
Аҕа баһылыктара
2300 Хайдах эбитий, — диэбитэ.
Томороон дьүһүннээх,
Толуу көрүҥнээх,
Дуолан бухатыыр киһи
Токуйа кырдьыбыта
- 58 -