Page 65 - Алаатыыр Ала Туйгун. 2-с үйэтэ

2390 Аллараа халтаһатын
Аллараа иилэн бараннар,
Бэртэрэ сэҥэйититтэн,
Үтүөлэрэ түөһүггэн
Тэбинэ-тэбинэ
Тиэрэ тартылар.
Оҕонньор киһи
Алаатыыр Ала Туйгуну
Атаҕын тумсуттан
Үөс алтан курдугунан
2400 Өрө көрөн таһаарбыта —
Бөдөҥ-садаҥ мөссүөнэ
Томороон-имэрээн ньуурдаах,
Балбааччы-илбээччи майгыннаах,
Биэс кэбиһэ былас
Биэкэйэр бииллээх,
Алта кэбиһэ былас
Дада буурай сарыннаах
Түөрт кэбиһэ былас
Үөкэйэр өртүктээх,
2410 Тоҕус туруору былас
Ньолбойор үрдүктээх,
Суллаабыт тиит курдук сотолоох,
Хастаабыт тиит курдук харылаах,
Икки түнэ үтүлүгү
Уоһунан таһаарбыт курдук
Көбүүлээх сөлтөллубүт уостаах,
Икки уоттаах банаар саһылы
Таҥнары туппут курдук
Арыы-саһыл хааннаах,
2420 Эрэһэлээх үүн тиэрбэһин курдук
Эриличчи көрбүт харахтаах,
Икки сур тииҥи
Субуруччу туппут курдук
Хара көп хаастаах,
Тоҕустаах дуолан
Атыыр оҕус
Сүүһүн түүтүн курдук
Куударалаах баттахтаах,
Көстүбэт бөҕө күтүрдээҕитгэн
2430 Куттаныа суох курдук
Хорсун дьүһүннээх,
Илбистээх биилээхтэн

- 61 -