Page 67 - Алаатыыр Ала Туйгун. 2-с үйэтэ

Туос сардаҥа маҕан остуолга
Тус иннигэр субуруччу ууран биэрдилэр.
Тоҕус субан туруйа уолаттар
Тоҕус ойбон кытахха
2480 Дуолан атыыр оҕус
Хоччоххой куҥун
Кытаанах быччьпгын
Өҥүргэстэри-сэлгэлэри
Өргөһөлүү симэн,
Көтөҕөн мадьарытан аҕалан,
Лөһүгүрэччи ууран биэрдилэр.
Бастакылара соҕуруокка тумсугар,
Кэнникилэрэ остуол атгыттан
Тэйэ иликтэринэ,
2490 Кытахтара чороонноро
Толугураһа түстүлэр
Эргиллэн көрбүттэрэ
Кытахтара-чороонноро
Туос кураанах буолбут
Соһуйбут-уолуйбут курдук
Сулбу тардан бардылар.
Ханан-ханан иһэн,
Хайдах-хайдах аһаан
Кураанахтыы охсубутун
2500 Көрбөккө хааллылар.
Бу олордохторуна
Дьиэ таһыгар
Тэлгэһэ ортотутар
Чиҥ тиҥилэх тыаһа
Лиһиргиирин кытта,
Дьахтар киһи талыыта,
Кыыс оҕо кырасыабайа,
Уку-суку хааман
Урбачыйан киирдэ,
2510 Тулакөрдө,
Чугурус гынан
Тохтуу түстэ.
Кырдьыга даҕаны
Кыыс оҕо барахсан
Быспыт курдук быһыылаах,
Куппут курдук курбуһахтаах,
Умнаабыт курдук уҥуохтаах,
Толлутаһа суох
63
-