Page 66 - Алаатыыр Ала Туйгун. 2-с үйэтэ

Иҥниэ суох курдук
Эр-дьэбир хааннаах,
Өргөстөөх уһуктаахтан
Төттөрү чугуруйбат
Өһөс соҕус унуохтаах,
Хайа да өртүттэн
Хатан биилээх
2440 Хайа охсуо суох курдук
Халыҥ киппэ киэптээх,
Туох да өртүттэн
Торҕо биилээх
Тоҕо охсуо суох курдук
Толору томороон ньуурдаах,
Кырдьыга даҕаны
Быһый киһи быһыылаах,
Күүстээх киһи көрүҥнээх,
Бухатыыр мөссүөннээх,
2450 Ураанхайтан уһуллаҕас,
Сахаттан талыы,
Киһи гиэнэ кэрэмэһэ
Кэлэн олорор эбит.
Ону көрөн баран,
Толомон Суорун оҕонньор:
— Айакка нохолоор, кыргыттар,
Чэйиҥ тохтооҥ ыытыҥ, — диирин кытта
Уолатгар-кыргыттар
Ыытан кэбиһэллэрин кытта,
2460 Хатааһыннаахтыаллаах
Хахсааттаах халлааҥҥа
Хаптаһын халҕаны
Хабараан соҕус
Хатын дьахтар
Харытын таһынан
Садьыйбытын курдук
Халтаһатын тыаһа
Хап гына түстэ.
Хаҥас диэкиттэн
2470 Сэттэ кылбаа маҕан
Кыыс дьахталлар
Сэттэ чороон айахха
Толору кымыһы
Долгуппакка тутан аҕалан,
Тоһоҕос от түгэҕин саҕа

- 6 2 -