Page 69 - Алаатыыр Ала Туйгун. 2-с үйэтэ

Дьахтара суох киһи
Наадыйан көрдөҕүнэ,
Таптаабыт санаатыгар
Тахсан эрэр күнүм
Сардаҥатыгар маарынната көрөр
Сардаҥалаах чабыррйдаах,
Ойоҕо суох киһи
Одуулаан көрдөҕүнэ,
2570 Умсугуйбут санаатыгар
Ойор күнүм туналҕаныгар
Боҕодьулуу көрөр
Туналҕаннаах ньуурдаах,
Кэргэнэ суох киһи
Кэтэһэн көрдөҕүнэ,
Киэргэппит санаатыгар
Киирэн эрэр күнүм
Килбиэнигэр тэҥнии саныыр
Килбиэннээх иэдэстээх,
2580 Кэпсиэхтэн кэрэ,
Үтүө дьахтар
Киирэн кэлэн
Тыыннаах кырынаас курдук
Тырымныы турда.
Ону көрөн
Алаатыыр Ала Туйгун
Хараҕа иҥиннэ
Хайгыы санаата,
Сонургуу көрдө
2590 Сонньуйа быһыытыйда.
Эр-дьэбир хаана иэнигийдэ,
Тыйыс дьүһүнэ сымнаата,
Томороон бэйэтэ сонньуйда,
Бөдөҥ мөссүөнэ мичээрдээтэ,
Саманнык диэн
Саҥа саҥара олордо:
— Дьиэ буо, дьиэ буо!
Т ыллаах-өстөөх
Чычыгыр-чуоҕур аттаах
2600 Нарын Ньургустай
Таптыы көрбүт далбарайым,
Сөбүлүү көрбүт күөрэгэйим оҕото,
Өрөөбүт уоһум
Үгэтин өйдөө,
- 6 5