Page 89 - Алаатыыр Ала Туйгун. 2-с үйэтэ

Куду кууспата,
Хото туппата,
Батыйа биитин курдук
Барааска дьон буоллулар.
Абааһы уола
Албаһын киллэрдэ,
Кубулҕатын холбоото.
Хара былыт курдук
Хамсык хара чалахайынан
3430 Харахтары-сирэйдэри
Саба тибиирдэ,
Айыы бухатыыра
Аахайан да көрбөтө.
Абааһы уола
Үстүү харыстаах
Үөрбэ долоходоһун бадаардаах,
Өлөр-өлүү куйахтаах
Тимир дэриэтинньик буолан,
Дьөлүтэ аалан,
3440 Күөн ойуун курдук
Түҥнэри эргитэ сатаата —
Дьигис да гынан көрбөт.
Тэтиэнэх киһи буолла.
Туппутун төлөрүппэтэ,
Харбаабытын халтарыппата.
Абааһы уола:
— Итинник эбит буоллаҕына,
Эттэри-хааннары
Түүрэ буһаран,
3450 Сииргэ тиийдэҕим.
Сиикэйдии сиир
Амтаннаах буолуо этэ да,
Хайыахпыный, — диэтэ.
Отут былас
Уот-кутаа тыынынан
Уун-утары
Өрүтэ уһуура сырытта.
Айыы бухатыыра
Ымырыс да гыммата,
3460 Кырбаспытьш кыларыппата,
Охсубутун уураппата.
Абааһы уола:
— Абаккам эбит.

85 -