Page 106 - Неизвестное название

Өксөкү кыыл курдук
Дап гына олоро түстэ да,
4200 Айаннаабытын курдук
Айанныы турда.
Бу хараҥарар хапчааннардаах,
Күлүгүрэр күҥкүйэлээх,
Кыһарыйар кыһамнаах,
Иҥиэттэр эркиннээх,
Таҥнастар таһаалаах,
Адаардаах-арзастаах,
Оһуу-тоһуу охсуулаах,
Эбир-дьаҕыл
4210 Иччитэх киҥкир хара
Таас дайды
Анарааҥҥы тардыытыгар,
Элэй-мэлэй
Эрбэдэһин дуоһун,
Иһиллээтэр иһиллибэт
Иччитэх дойду
Иҥиэтгэр түгэҕин диэки
Эҥсэн түһэн барда.
Ол анарааҥҥы тардыытыгар
4220 Кыраһаны тохтоппотох,
Кырыаны сыһыарбатах,
Кыскыйа турар
Кылыс тыаллаах,
Кыһыыра уһуурар
Кыланар саталаах,
Киһи-сүөһү тохтооботох,
Кыыл-сүөл үөскээбэтэх,
Кытаран көстөр кумахтаах
Кыһыл сымара таас
4230 Кыыдааннаах дойду устун
Кыһыгыратан-кыһыырдан түһэн барда.
Ол анарааҥҥы тардыытыгар
Толон сыстыбатах
Дохсун муустаах буурҕалаах,
Добун силлиэлээх
Ото-маһа көстүбэт,
Улаҕата-муҥура биллибэт,
Чысхааннах-анысханнаах
Добун муус дойду буолла.
4240 Ол анарааҥҥы тардыытыгар
- 103 -