Page 108 - Неизвестное название

Ол күлгэри үөн курдук
Түрдэҥнии- б үгүллэҥнии
Сытар салын хара
Аартык устун
Солоҥдо тураҕас ат барахсан
Туйаҕа тиийэр тиийбэт гына
4290 Сиэлэн тэбиэһирэн,
Дугунар -дугуммат
Дьоруолаан дьуруһуйда,
Үктэнэр үктэммэт
Өрүкүйэн киирэн барда.
О л баран истэҕинэ
Эмискэччи үлүгэр
Халлаанныын хараҥарда,
Сирдиин дьиэһийдэ,
Дайдылыын барыарда.
4300 Ап Чалахай байҕал
Ортотуттан оргуйда,
Түгэҕиггэн түллэҥнээтэ,
Кытыытыттан бысхалдьыйда,
Тиэрэ дэбилийдэ,
Түҥнэри-таҥнары буккулунна,
Биирдэ эргийэригэр
Оботтоох-соллоҥ модойуиан
Ыдьырыс гынна,
Биирдэ эргийэригэр
4310 Дьааттаах эриэн үөнүнэн
Дьэбилис гынна.
Төбөтүн оройуттан
Добун маҥан халлаан
Тумарыктаах дьулаҕайын диэкиттэн
Тумул хайа
Быһаҕаһын саҕа
Добун күдэн былыт
Быһа күүрэн
Таҥнары ытыллан түстэ.
4320 Үрүҥ туман буолан
Өрүкүс гынна,
Хара күдэн буолан
Хараарыс гынна.
Билиги гынарын кытта
Соллоҥ моҕой курдук
Тоҕус бүгүйэх 'систээх,
- 105 -