Page 107 - Неизвестное название

Тумэн-бараан дойду
Түҥкэтэх түгэҕэ
Түҥнэри эргийэн,
Иҥиэттэр сиксигэр,
Иҥнэстэр эркинигэр
Анарааттан анаһыйбыт,
Бэтэрээттэн мэҥэһийбит,
Ыраахтан ыыспаламмыт,
Олгуй курдук оргуйбут,
4250 Алгый курдук аҥылыйбыт,
Үҥкүр күөс аанын курдук
Үөнүнэн-көйүүрүнэн
Өрүтэ түллэҥнии турар
Улаҕата-мунура көстүбэт,
Кэмэ киэлитэ биллибэт
Кэгэй хара Ап Чалахай
Байҕалга тиийэн кэллэ.
Ол байҕал
Хабыллан турар
4260 Хаба ортотугар
Күлгэри үөн
Көхсүн өҥүн курдук
Күлүк бүгүйэх аартык
Күлүгүрэн көстөр эбит.
Көбүөхтэспит-үллэҥнэспит
Үгүс элбэх үөн-көйүүр
Үгүстүк үөскээбит эбит.
Ап Чалахай байҕалга
Атаххын таарыйдаххына,
4270 Атаххыттан сыһыарар,
Илин таарый даҕаны
Илиигиттэн сыһыарар.
Түспүт күөрэйбэтэх,
Тимирбит дагдайбатах,
Тиийэргин кытта эҕирийэр,*
Түһэргин кытта туора уобар,
Түгэҕэ биллибэт
Ыйыста турар
Ынырык дайды буолла.
4280 Ол да буоллар
Тумнан ааһар суола суох,
Халбарыйан ааһар
Хайаҕаһа биллибэт.
104 —