Page 213 - Неизвестное название

Ытыытын ытаабытым.
Сор-муҥ
Соҥ уутун соҥоорпутум.
Адьарай бөҕө адьырҕата
Хаппарын аһан
8890 Харахпын көрдөрбүтэ —
Арай доҕоор
Тус иннибэр убайым
Тустуулаах Дьуруо Бөҕө
Кэлэн турарын,
Соһуччу көрөммүн,
Соһуйа түспүтүм.
Түүлүн да билбэтэҕим,
Илэтин да билбэтэҕим,
Абыраа, өрөһүй диэн,
8900 Саҥарбытым быһыылаах этэ.
Ону истээт,
Убайым хапсаҕай бэйэлээхтик
Харбаан ылан эрдэҕинэ,
Хараҕым эмискэ сабыллыбыта,
Хараҥада эмиэ хаптарбытым,
Убайбын хайаабыттарын
Да билбэтэҕим.
Бу хараҕым
Иккис аһыллыытыгар
8910 Күҥҥэ төрөөн көрбөтөх
Күнү-ыйы
Көхсүнэн бүөлүүр
Күтүрдээх улахан
Кетөр кынаттаахпын
Көрө дьулайаммын,
Кэннибинэн тэйбитим,
Төттөрү чугуруйбутум.
Онтукам баара
Айыы сирин
8920 Арыйа баттаан
Айан көрдөрбүт
Аһыныылаах санаалаах
Аар тойон
Аҕам кэлэн
Олорор эбит буоллаххына,
Өрөгөйүм үрдээтэҕэ,
Саргым салалыннаҕа,
-212-