Page 26 - Неизвестное название

Быһыы-тугуу быакайан,
Көрүҥ-тала күөкэйэн,
760 Көрүөхтэн үчүгэй,
Кэпсиэхтэн кэрэмэс,
Этиэхтэн эриэккэс,
Ийэтин кытта
Эмдэй-сэмдэй хаамсан,
Эгил-тэгил тардыһан,
Кыстык тэтэркэй имнээх*,
Кыыс оҕо кырасыабайа,
Дьахтар киэнэ талыыта буолан,
Хорсун-хоһуун оҕо
770 Курбайан-ирбэйэн,
Курайа сиэлэн,
Күлэн-оонньоон,
Сылдьыбыт эбит.
Били уол одолоро
Солоҥдо тураҕас аттаах,
Тустуулаах-туруулаһыылаах
Дьуруо Бөҕө
Сиһин этэ ситэн,
Холун этэ хойдон,
780 Буутун этэ мунугаан,
Силгэтэ ситэн,
Торҕото туолан,
Дуолан бухатыыр
Киһи буолан,
Туппутун тосту тардар,
Харбаабытын хайа тардар,
Үктээбитин өҕүлүннэрэр,
Баттаабытын мататар,
Эккирэппитин ситэр,
790 Куоппуту тутар
Дохсун бэйэлээх
Уол оҕо барахсан,
Хардаҥ хара тыа
Хатан хардааччытын,
Ардай аһыылааҕын,
Анаҕастаах кыыл адьырҕатын
Эһэни сабырҕаҕыттан,
Бөрөнү хабарҕатыттан,
Тайаҕы таныытыттан,
800 Бууру муоһуттан тутан,
-23-