Page 214 - Неизвестное название

Уруй-тускул буоллун,
Уруй-айхал буоллун! — диэтэ.
8930 Инньэ диирин кытта
Убайа Тустуулаах Дьуруо Бөҕө
Утары сүүрэн кэлэн,
Кумуулаах соҕустук
Куустуһа түһэн баран,
Убай-балыс
Уураһан-сыллаһан,
Уоскуйан намырастылар.
Ү өрэн-көтөн
Өрөгөйдөөн турдулар.
8940 Өксөкү кыыл буоллаҕына
Тимир Сигиди бухатыыры
Синньигэс биилиттэн
Тобулу кытаахтаан ылан,
Таҥнары тутан,
Сарт кыыл курдук
Салыбыратан олорон,
Саманник диэн
Саҥа саҥара олорбут эбит:
— Дьиэ-буо, дьиэ-буо!
8950 Түгэх дойду түркүннээҕэ,
Тимир Сигиди бухатыыр
Аны мантан антах
Айыы дайдытыгар
Адалыйыам cvoija диэн,
Күн сиригэр
Күөдэлийиэм суоҕа диэн,
Мэнэгэйдээх соллоҥноргун,
Идэмирдээх иҥсэлээхтэргин,
Ол ойдом оһоллоргун
8960 Быстах быһылааттаргын
Быкгарбат гына,
Кубулуйар кубулҕаттаргын
Хомунуом диэн,
Ааһар бөҕө албаспын
Тардыныам диэҥҥин,
Бу үс аан дойду
Абааһытын атамааттарыгар
Аҕа баһылыктара,
Туллар тутаахтара,
8970 Суостаах тойонноро
- 213