Page 215 - Неизвестное название

Буолан сылдьыбыт.
Өлөр өлүү
Түбүлээн Хара бухатыыр
Хаалдьыгын уҥуоҕун
Хабарҕаҕар диэри
Кэтэн тураҥҥын,
Аар дархан андаҕарда
Андаҕай эрэ!
Оччоҕо, баҕар,
8980 Хара тыыҥҥын
Хаалларыам даҕаны, — диэн баран,
Хоспохтоох балаҕан саҕа
Хара харыа буолбут
Хаалдьык уҥуоҕун
Хабарҕатыгар диэри
Кэтэрдэ бырахта.
Абааһы уола
Андаҕайан суламмытынан барда.
— Буойака, буойака!
8990 Айыы хаан аймахтарыгар,
Күн өркөн уустарыгар
Аны эргилиннэхпинэ,
Иэччэҕим эргийдин,
Хайыстахпына халдьыгым хайыннын.
Орто туруу дьоҕул дойду
Улан дьэҥкэ киинигэр
Олохсуйан үөскээбит
Айыы аймахтарыгар
Аллараа дойдуттан
9000 Адьарай бөҕө адалыйбатын,
Көстүбэт бөҕө күөдэлийбэтин,
Былдьаһыктаах былыан* быкпатын,
Идэмирдээх илбис эргийбэтин,
Охсуһуулаах моһол орооспотун.
Өрөҕөр көҕүллээххиттэн
Биир тааҕылаах убаһаны
Таба харбыыр буоллахпытына,
Атырдьах туйахтааххыттан
Соҕотох даҕаны
9010 Тологурдаах торбоһу
Туора туттарар
Күннээх буоллахпытына,
Суордаан Суодуйа хара таҥара
- 214 -