Page 217 - Неизвестное название

Иһинээҕи хара санааҕын
Ордорбокко бүтүннүү
Toijy хотуолаа, — диэн баран,
9060 Абааһы уолун
Атаҕыттан ылан,
Сарт кыыл курдук
Талыбыраппытынан таһааран
Таҥнары сахсыйда.
Саах күрдьүк саҕа
Хара курдьаҕанан
Таҥнары кулгуйда,
Хотонноох-балаҕан саҕа
Хончоҥнуур үөнүнэн
9070 Тоҕу хотуолаата,
Иһинээҕи хара санаатын
Эриэн чиэрбэнэн
Эстиэр диэри
Ибили кулгуйда.
Билиги гинэрин кытта
Өлөр өлүү
Чөмөрү байҕал
Түгэҕэ биллибэт
Дьуоҕа хара бадарааныгар
9080 Төбөтүн оройунан
Дьөлө бырахта.
Абааһы уола
Күлүгэ да көстүбэт,
Сыта да тахсыбат,
Өлбүтэ-тыыннааҕа
Биллибэт гына
Өрүкүс гынан хаалла.
Инньэ гынарын кытта
Өксөкү кыыл
9090 Уоллаах кыыһы
Көхсүн түүтүгэр
Кыыкыр гына
Кыбыта анньан кэбистэ,
Кынатынан кыйда,
Табыталынан дайда.
Үрдүк халлаан
Өрөһөтүн диэки
Өрө көтөн,
Үрдүк тумул саҕа
- 216 -