Page 219 - Неизвестное название
P. 219
Аан дойдуларын
Арыйа баттаан
Айаннаан бардылар.
— Бу күөлэһийэн үөскээбит
Күн Тэгиэримэ
Эбэбитигэр тиийэммит
Күөх унаар хочотугар
9150 Күргүөм билэ
Дьоммутун кытта
Күндүтүк көрсүһэн,
Көҥүл-босхо күүлэйдээн,
Күммүт сиригэр
Көччүйүөхпүт буоллаҕа диэн,
Күөмчүлээх санаалара көнөн,
Көхсүлэрэ кэҥээн,
Санаалара дьэҥкэрэн,
Уоллаах кыыс оҕолор
9160 Үөрэн-көтөн,
Өрөгөйдөөн истилэр.
Өксөкү кыыл
Улам-улам намтаан,
Эрдэҕэс улар кыылым
Көхсүн өҥүн курдук
Эбир-дьаҕыл иччитэх хайалар
Алларааҥҥы тардыыларын диэки
Таҥхалыйан барда.
Үрүмэдийбэт үүт
9170 Дэбилгэн байҕал
Улаҕа өртүн диэки
Умсары дьулуруйан истэ.
Далай ортотугар
Даллаахтаһа олорор
Даллан куоҕас кыыл
Тараах дьаҕыл
Төбөтүн курдук
Таллан эбириэн
Тараах күрдьүгэс
9180 Тараҕай таас хайалар
Сарбынньахтаах төбөлөрүн
Анараа өртүлэригэр
Намтаан сынньыйан тиийэн,
Тобурах тохтооботох,
Толон, самыыр сыстыбатах,
- 218 -
