Page 220 - Неизвестное название

Дьулусханнаах дьулуо
Таас булгунньах
Төбөтүн оройугар
Дай гына олоро түстэ.
9190 Тустуулаах Дьуруо Бөҕөнү
Суорба таас үрдүгэр
Туруору бырахта.
Арылыас кус сымыытын саҕа
Араҥас илгэни
Айаҕар уган биэртин
Ньыл гинэ ыйыстарын кытта,
Тустуулаах Дьуруо Бөҕө
Күүһүгэр күүс эбилиннэ,
Уоҕар уох улаатта
9200 Уруккутунааҕар уонунан орто,
Биэһинэн бэртээтэ.
Этэ тыылынна,
Иҥиирэ күүрдэ.
Өксөкү кыыл буоллаҕына
Куорсунун быыһыттан
Куу-хаан куйах таҥастары,
Кырыылаах кылыстары,
Кыыкыр-хаахыр
Хостоон таһаарда,
9210 Кылыр-халыр уурталаата,
Табыталын быыһыттан
Тардыылаах саабылааннарын
Өргөстөөх охторун,
Ох саатын
Тимир тиһиликтэрин,
Алтай аарыктарын,
Кэтэр куйахтарын,
Туттар сэптэрин,
Уһун дура хаан батастарын
9220 Субуйан сунньулатан,
Уһаты-туору уурталаата,
Кырыытынан кыстаата,
Тал ан дьаарыстаата,
Лап-лип таҥыннаран барда,
Кип-хап кэтэрдэн истэ.
Дьапталҕа тимир
Таҥаһын дагдаччы таҥыннарда,
Уу-хаан куйаҕын
- 219 -