Page 222 - Неизвестное название

Көрө бүдүүлээ.
Силгэҥ ситтэ,
Торҕон туолла.
Туттар сэптэнниҥ,
Кэтэр куйахтанныҥ.
Атын дойдулар
Араскааттаах аартыктара
Арыйан-тэлэйэн,
9280 Айаныыр күнүм
Аҥаарыйа таҕыста.
Бэрди кытта мэккиһэр,
Үтүөнү кытта үтүрүһэр,
Күөн көрсүһэр,
Күрэс былдьаһар,
Күнүм буолла.
Улдьаҕай эттээх,
Уйан уҥуохтаах
Оҕо чочулҕан сььчдьаҥҥын,
9290 Өстөөҕү кытта өлөрсөөрү,
Хатааннааҕы кытта харсаары,
Эт бэйэҕинэн, илэ дьүһүҥҥүнэн
Эккирэтиһэ сылдьан,
Кэтэр куйаҕа,
Туттар сэбэ суох
Туоххунан туруулаһыам диэҥҥин,
Туспа туора дойдулар
Дьорҕоотторун кытта
Сонордоһобун диэн,
9300 Соһумар өлүүгэ
Түбэһэ сыспыккын,
Субу самантан
Туһааннаах тускумньулаах
Тус соҕуруу диэки
Үрүмэрбэт үүт байҕал
Улаҕа өртүгэр кыталыктаах
Кыйдаарыма эбэ диэн
Сир киэнэ киинэ сир,
Дойду киэнэ далгырата дайды
9310 Баара буолуо.
Ол дойду
Килэрийэр киинигэр,
Дьогдьойор саалыгар
Олохсуйан үөскээбит
- 221 -