Page 221 - Неизвестное название

Киппэччи кэтэртэ,
9230 Дьэс алтан тимэҕинэн
Лип-лап тимэхтээтэ,
Кутуу укулаат курдук
Хоп-дип курдаата.
Өргөстөөх төбөлөөх
Сөҥ тимир
Лөкө бэргэһэтин
Төбөтүн оройугар
Сөрү сөпкө
Лиҥ гына уурда.
9240 Кырыылаах биилээх,
Кылааннаах өргөстөөх
Кылыс батастарын,
Өргөстөөх үҥүүлэрин,
Туттар сэптэрин,
Толору барытын
Күн уотунуу күлүмүрдэтэн,
Чаҕылҕан уотунуу сандаарытан,
Кылыс курдук кылбачытан,
Хоп-дьип холбоото,
9250 Кулур-халыр укта,
Кьш-хап кыбытта,
Лып-лап сыһыартаата,
Хап-дьип хатаата,
Ханна да баара-суоҕа
Биллибэт гына
Дагдаччы таҥыннарда,
Киппэччи кэтэттэ,
Толору тупсарда.
Ол гынан баран
9260 Саҥа саҥара,
Тыл кэпсии,
Өс тобула турбут
Хоһооно эгэлгэтэ
Маннык буолбут эбит:
— Дьиэ-буо, дьиэ-буо!
Тулаайах быарбыттан
Туллан түспүт
Тустуулаах Дьуруо Бөҕө
Соҕотох кулун уолун
9270 Этэр тылын эгэлгэтин
Истэ сэргэҕэлээ,
- 220 -