Page 224 - Неизвестное название

Хатан биилээх
Хайа охсуо суох
9360 Тол ору дуолан куйахтаммыт,
Ситэри сэптэммит,
Силгэтэ сиппит,
Торҕото туолбут.
Урукутунааҕар уонунан ордук,
Биэһинэн бэртээбит,
Тоҥмуту тоҕо тардар,
Хаппыты хайа тардар,
Хатаннааҕын кытта харсыһар,
Өстөөҕүн кытта үтүрүһэр,
9370 Бэрди кытта мэккиһэр,
Модун моонньоммут,
Күдэн күүстэммит,
Кырдьыга даҕаны
Тоҥтон толлубат,
Ириэнэхтэн иҥнибэт,
Эрчимнээх күүстэннэ.
Этэ тыылынна,
Иҥиирэ күүрдэ,
Күүстээхтик сананна.
9380 Үс үөстээх
Өркөн кылыс кымньыытынан
Үрдүк былыт соһуутун диэки
Өрө талбаатыы-талбаатыы
Үс төгүл
Хоруутуурун кытта,
Илин ДЬИЭКИ'ГГЭН
Этэн баран
Эҕэрийиэх ис кырыытыгар
Эҥээт-мэҥээт үрэхтэр
9390 Эҥэлдьийэр тардыыларыттан
Солоҥдо тураҕас ата барахсан
Сулумах оноҕос курдук
Сулбу сүүрэн
Субуруйан иһэр эбит.
Сиэлэ нэлэйэн,
Кутуруга субуллан,
Көҕүлэ күүрэн,
Кулгааҕа чорбойон,
Дьилбэҕэ күөрэйэн,
9400 Туйаҕа төгүрүйэн,
- 223 -